مصطلحات منطقة الاحساء

مصطلحات منطقة الاحساء

اشذاذا....... ايش هذا ؟

منطول......... مرمي يعني مجدوع بالارض

مغتلق ..... ضايق صدره

امحق ......... امممممممم والله مادري كيف اشرحها بس يقولون امحق عليك ... يعني مالت عليك

موَقل ...... يعني على شفا حفرة من النار.... يعني متردد

دهريز ..... مدخل البيت

حويجة....... تصغير حاجه

مقاقة...... امممممممم شلون تنشرح هذي..... يعني يقولون ماعندها مقاقه على البزران ..... يعني مالها خلق على البزران

زط ..... يعني مشفوح على الاكل

حمولة..... يعني قبيلة.. يقولون هذا الولد ولد حمولة يعني ولد قبيلي

طبينة..... هذا اسم ريحة النخيل اذا حرقوها ...... والله ريحتها رهيبه

تراشي ... حلق الاذن

معاضد..... اساور

شحقة......يعني ايش حقه هذا

يزنط...... يعني يخنق ... تذكرون طاش ماطاش يوم يقول ... الله شذاذا حقيقة بيزنطوووونه

هطفة ..... يعني مررررره طويل

زهبه...... يعني بسرعه

ينجب... اممممممم يعني يقولون انجب الغدا يعني حط الغدا

طرطور.... ماعنده شخصيه

فريج...... يعني الحي اللي ساكن فيه

الله يغربلك..... هذي سبه

رياري......... يعني سعابيل ... لعاب< بالعربي الفصيح

انطم....... يعني اسكت

ازعق ...... يعني اممممم يقولون ازعق له يعني ناده

سكَان .... يعني دركسون السياره

مطيور...... يعني خبل مو عاقل

ودج.... عكس مطيور يعني يقولون للمطيور صير ودج يعني صير عاقل خخخخخخ

ألمَك...... يعني أضمك .... (اخمك بالقصيمي خخخخخ )

متحنجة.....يعني متحجبه .......لابسة شيلتها

الموسدة..... يعني الوسادة

سمادة .... حظيرة الحيوانات

عصقول .... الضعييييف مررررررره

منتفج...... عكس عصقول يعني الدببببب

لاك.... يعني اممممممممم يعني مثلا تقول هذي الجزمه لاكه علي ... يعني ضاغطه علي ( وانتوا بكرامه )

جغم ........يعني رشفه من شي ... مثلا عطني جغم من عصيرك

يزرط...... يعني يبلع من غير ما يهضم

مغماص...... يعني اممممممم مثلا واحد كان ياكل بيض مع خبز... تقوله ممكن تعطيني مغماص يعني قطعه صغيره من الخبز فيها بيض مثلا

شمخ.... جرح صغير

يترارا.......يعني يشف ... يقولون هذا الثوب يترارا ,, يعني شفاف

ذب ......يعني رمى يقولون ذبيه يعني ارميه

قميظة...... يعني حسافه

الناس مول.... يعني الوقت متأخر

لثد ... يعني دبق مثل العسل لو لزق باليد يقولون يدي صارت لثده

امردقك.... يعني اضربك بقوووووه

هبابك ...... يعني عساه يمديك

إدن.... يعني اممممممم يقولون إدن لي مكان يعني وسع لي مكان

الصكة........ يعني برا البيت ..يقولون فلان بالصكه يعني مو بالبيت

سويعة...... تصغير ساعه

امبطح...... يعني انسدح و تمدد

مدعجة ..... اللي يدعكون فيها الجسم

صوغه ......... هديه يعني اذا سافر واحد لازم يجيب لاهله صوغه

ماتعدينا.... يعني ما طلعنا من بيتنا اليوم

يتصوخ........ يتسمع ... يسترق السمع < بالفصحى

هاش ام الطرور يطرك..... هاش يعني كعه على الوجه ...... وكلها على بعض ...سبه

مصخن....... يعني حرارته مرتفعه

قياسة ....... يعني عشرة كيلو رز ( في الزواجات سابقا اذا كانت في نفس البلد ) إسألوا شيابكم

نبابي ........ يعني شي بسيط أو قليل

طويلة .. هي الفلوس والطويلة لاأعرف كم مقدارها ربما (عشرة ريال أو مائة ريال) إسألو الشياب

استكانة ........... بيالة للشاي أو كاس

مصر ......... نشاف أو منديل للتنظيف

عوية ...... ذئب الجبل ( وأهل القرى يعرفون تماما الصوت الذي يظهر في الجبل عند المغرب )

كندوج .......... عبارة عن مكان تجميع التمر في أحد الغرف يكدس فيه التمر

تمبة ..... الكرة

غضارة ....... طاسة

القفاص ......... الطبيب الشعبي

سجم ..... رف في وسط المطبخ لوضع الاغراض عليه

روشن ......... عبارة عن مخزن دائري في أحد زوايا الغرفة لتخزين الاشياء الثمينة

سبع وأربع ........ عبارة عن مسبه أو شتم لاأعرف معناها

مصخنه ........ ثلاجة سابقا (وعاء لحفظ الماء وتبريده)

نفنوف ......... فستان

دراعة ......... أيضا فستان (لاأعرف الفرق بينهما)

مخنق ........ عبارة عن شلون أوصفه ؟ غطاء للرأس يلم الرأس واليدي شبه حجاب كبير

الصيتي ......... صوت الاسعاف

يزفن ........ يرقص

الحداية ........... الفرقة الشعبية للافراح والمناسبات

كرفاية ............. سرير نوم

خخخخ

يسلموووووو

الله يسلمك ومشكـورة على المرور

خخخخخخخخخ يسلموا

خيو عالموضوع

هع هع هع هع هع هع هع هع هع هع

يسلمو عالموضوع

مشكور عالموضوع الحلو

» قالو دلع الاحساء قلنه شوف ترحيب